Enver Huseyin Penahî Nameyek Bo Ban KÎ Mon Şand

Enver Huseyin Penahî Nameyek Bo Ban KÎ Mon Şand

În 10/04/2009

anvar-hosein-panahi.jpgEnwer Husênpenahî, girtiyê siyasî yê Kurd, roja 09.04.2009’an, nameyek ji bo Ban Kî Mon, Sekreterê Giştî yê Rêxistina Neteweyên Yekbûyî şand.

Navhatî bi biryara îdamê hatiye mehkûmkirin û di nameya xwe de daxwazê ji Ban Kî Mon dike ku alîkariya wî bike

Enwer Husênpenahî di nameya xwe de qala çawaniya

binçavkirina xwe ji aliyê hêzên rejîma Îslamî a Îranê ve li bajarê Qurwe dike û basa vê yekê dike ku di hepsa takekesî de rastî azar û îşkenceyên hovane hatiye. Wî her wiha tometa hevkarîkirin tevî partiyên Kurdistanî yên neyarê rejîma Îslamî a Îranê red dike û nivîsiye ku serbarê xurttirîn îşkenceyan, tometên han qebûl nekiriye û berdewam hewla îsbatkirina bêtawaniya xwe daye.

Enwer Husênpenahî di beşek din a nameya xwe de dinivîse ku di girtîgeha bajarê Qurwe de daxwaza rohnbûna çarenivîs û derkirina biryara azadiya xwe kiriye, lê berpirsên Dozgeriya têkildar tu girîngiyek bi daxwaziya wî nedane û bi wê sedemê navhatî dest daye gireva birçîbûnê. Navhatî ku mafê mifahwergirtin ji parêzer nebûye, di Taya yek a Dadgeha Şoreş a bajarê Sine de bi cezayê îdamê hatiye mehkûmkirin. Enwer Husênpenahî di doma nameya xwe de bi mirina gumanbar a birayê xwe Eşref Husênpenahî îşare dike ku take kesek bû bi dû rewşa birayê xwe diçû. Navhatî her wiha basa vê yekê dike ku bona nîşandana nerazîbûnê li dijî newekhevî û rewşa xirab a sîstema dadweiryê di Îranê de, di girtîgeha navendî a Sine de dest dabû gireveke 45 rojî a xwarinê.

Ew di dawiya nameya xwe de pêbendnebûna rejîma Komara Îslamî a Îranê bi yasayên navneteweyî ku îmza kirine û daxuyaniya Cîhanî a Mafê Mirovan a Rêxistina Neteweyên Yekbûyî, tîne berbas. Her wiha navhatî daxwazê ji Rêxistina Neteweyên Yekbûyî û Sekreterê Giştî yê wê dike ku bi wî re alîkariyê bikin, ji ber ku alîkarîkirina wê rêxistinê dibe sedema zêdebûna girîngî û prestîja wê rêxistinê

Posted on October 4, 2009, in Kurdish and tagged , , , , , , . Bookmark the permalink. Leave a comment.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: