Monthly Archives: April 2010
کۆنگره‌ی نه‌ته‌وه‌ی کورد داوا له کوردانی ئه‌مه‌ریکا ده‌کات فۆرمی سه‌رژمێری ٢٠١٠ پـڕبکه‌نه‌وه
کۆنگره‌ی نه‌ته‌وه‌ی کورد داوا له کوردانی ئه‌مه‌ریکا ده‌کات فۆرمی سه‌رژمێری ٢٠١٠ پـڕبکه‌نه‌وه
جانی دیلان
ی مانگی دوو ١٢, ٢٠١٠
کۆنگره‌ی نه‌ته‌وه‌ی کورد له باکوری ئه‌مه‌ریکا KNC داوا له هه‌موو کوردانی دانیشـتووی وڵاته یه‌کگرتووه‌کانی ئه‌مه‌ریکا ده‌کات به ئه‌وپه‌ڕی په‌رۆشیـیه‌وه فۆرمی سه‌رژمێری سـاڵی 2010 ی وڵاته یه‌کگرتووه‌کانی ئه‌مه‌ریکا پـڕبکه‌نه‌وه، ئه‌ویش به مه‌به‌سـتی زانینی ژماره‌ی کورد له‌م وڵاته.
ئه‌و فۆرمه له مانگی داهاتووه‌وه (واته مانگی سێ) له لایه‌ن حکومه‌تی فیدراڵی ئه‌مه‌ریکا وه به پـۆست ڕه‌وانه‌ی هه‌موو که‌سێـک له ئه‌مه‌ریکا ده‌کرێت و پـڕکردنه‌وه‌ی زۆر ئاسـانه و ته‌نها 10 پـرسیاری تێدایه که ڕه‌نگه به 10 خوله‌ک پـڕ بکرێته‌وه. هه‌ر له‌گه‌ڵ فۆرمه‌که زه‌رفێـکیشی له‌گه‌ڵدایه پـێویست به پـول ناکات، فۆرمه پـڕکراوه‌که‌ی تێده‌خرێت و ده‌نێردرێته‌وه.
جێی ئاماژه پـێـکردنه ئه‌و زانیاریـیانه‌ی له‌و فۆرمه‌دا ده‌نووسرێن جگه له حکومه‌تی ئه‌مه‌ریکا که‌س بۆی نیـیه سه‌یریان بکات. ده‌توانن له ڕێـگه‌ی ماڵپه‌ڕی http://2010.census.gov به زمانه‌کانی ئینگلیزی و فارسی و عه‌ره‌بی ده‌رباره‌ی ئه‌م سه‌رژمێریـیه بزانن.
کۆنگره‌ی نه‌ته‌وه‌ی کورد ده‌ڵێت گرنگترین پـرسیاری فۆرمه‌که به لای ئێمه‌وه پـرسیاری ژماره 9 یه که له‌ویادا کوردانی دانیشتووی ئه‌مه‌ریکا پـێویسته بنووسن KURDISH-AMERICAN.
بۆ زانیاری زیاتر له‌سه‌ر ئه‌م بابه‌ته هاوکارمان جانی دیلان گفتوگۆی له‌گه‌ڵ دکتۆر ئازاد مورادیان ئه‌ندامی ده‌سـته‌ی به‌ڕێوه‌به‌رایه‌تی کۆنگره‌ی نه‌ته‌وه‌ی کورد له باکوری ئه‌مه‌ریکا کردووه، ده‌توانن گوێبیسـتی بن له ڕێـگه‌ی كلیـكـكردنی ئه‌و فایله ده‌نـگیـیانه‌ی ده‌سته چه‌پ، ماوه‌كه‌ی 18 خوله‌كه.
https://www.dengiamerika.com/a/a-58-2010-02-12-voa2-89240217/956475.html
رۆژه‌ف, به‌یاننامه
ڕێکخراوی هه‌واڵنێرانی بێسنوور، نیگه‌رانی ڕه‌وشی جه‌سته‌یی که‌بودوه‌نده
April,2, 2010
رێكخراوی هه‌واڵنێرانی بێسنوور به ده‌ركردنی به‌یاننامه‌یه‌ك نیگه‌رانیی قووڵی خۆی له بارودۆخی نامرۆڤانه‌ی زیندانیانی سیاسی و مه‌ده‌نی له ئێراندا ده‌ربڕیوه.
ئه‌و به‌یاننامه‌یه كاربه‌ده‌ستانی كۆماری ئیسلامی له‌به‌رامبه‌ر ته‌ندروستیی رۆژنامه‌نووسانی نه‌خۆش به به‌رپرسیار له قه‌ڵه‌م داوه و داوای لێ كردوون كه بۆ رزگاریی گیانیان هه‌وڵ بده‌ن.
به گوێره‌ی ئه‌و به‌یاننامه‌یه كه له ماڵپه‌ڕی هه‌واڵنێرانی بێسنوور دا بڵاو كراوه‌ته‌وه، زۆربه‌ی رۆژنامه‌نووسان و وێبنووسه‌كانی به‌ندكراو دوای چه‌ند مانگ زیندانیكرانی سه‌ره‌ڕۆیانه و گواستنه‌وه‌یان بۆ ژووره تاكه‌كه‌سییه‌كان له بواری ده‌روونی و جه‌سته‌یی دا له بارودۆخێكی ناله‌بار دان.
ئه‌و رێكخراوه داكۆكیكاره‌ی ئازادیی راده‌ربڕین رایگه‌یاندوه كه ژماره‌یه‌ك له رۆژنامه‌نووسانی وه‌ك “محه‌ممه‌د سه‌دیقی كه‌بوودوه‌ند” ، “عیمادده‌دینی باقی”، “به‌دروسسادات موفیدی” و “مێهدی مه‌حمودیان” به توندی نه‌خۆشن و پێویستیی خێرایان به چاره‌سه‌ریی پزیشكیی هه‌یه.
له به‌شێكی دیكه‌ی ئه‌و به‌یاننامه‌یه‌دا رێكخراوی هه‌واڵنێرانی بێسنوور ، ئاماژه‌ی به بارودۆخی ته‌ندروستیی محه‌ممه‌د سه‌دیقی كه‌بودوه‌ند كردوه كه تا ئێستا چه‌ند جار تووشی نه‌خۆشی جۆراوجۆر بووه و به‌رپرسانی قه‌زایی و ئه‌منیه‌تیی كۆماری ئیسلامی پێدانی موره‌خه‌سی به ناوبراویان قبووڵ نه‌كردوه.
ئه‌و به‌یاننامه‌یه چه‌ند كه‌سێكی دیكه‌ی وه‌كوو “هێنگامه شه‌هیدی” ، “عیسا سه‌حه‌ر خیز” ، “نادر كه‌ریمی” و “موجته‌با لوتفی” وه‌كوو رۆژنامه‌نووسانی به‌ندكراوی نه‌خۆش راگه‌یاندوه و خوازیاری ئازادكردنیان بووه.
پێویسته بگوترێ كه له 10 مانگی رابردوو دا ژماره‌یه‌ك زۆر له رۆژنامه‌نووسانی ره‌خنه‌گر له ئێران قۆڵبه‌ست و دواتر حوكمی قورسیان به‌سه‌ر دا سه‌پێندراوه ، رێكخراوی هه‌واڵنێرانی بێسنوور ئێرانی وه‌كوو گه‌وره‌ترین به‌ندیخانه‌ی رۆژنامه‌نووسان له قه‌ڵه‌م داوه
Source: http://kmmk.info/read.php?id=466
