ئازاد مورادیان له باره‌ی ڕه‌خنه‌کانی حوسێن موسه‌وی له ئه‌حمه‌دینه‌ژاد و به‌لگه‌کانی ویکیلیکسه‌وه ده‌دوێت
ڕێبه‌ری ئۆپۆزسیۆنی ئێرانی میر حوسێن موسه‌وی گوتوویه‌تی زانیارییه نهێنییه‌کانی وزاره‌تی ده‌ره‌وی ئه‌مه‌ریکا که له لایه‌ن ماڵپه‌ری ویکیلیکسه‌وه بڵاوکراونه‌ته‌وه نیشان ده‌ده‌ن که سیاسه‌ته توندڕه‌وییه‌کانی کۆماری ئیسلامی بوونه‌ته مایه‌ی ئه‌وه‌ی که له هه‌رێمه‌که‌دا تاکه هاوپه‌یمانێکی نه‌مێنێت. هه‌روه‌ها گوتوویه‌تی سیاسه‌ته تونده‌کانی سه‌رۆک ئه‌حمه‌دینه‌ژاد وڵاته‌که له رووی نێو‌نه‌ته‌وه‌ییه‌وه به‌ره‌و دووره په‌رێزیه‌کی مه‌زن بردووه و ئه‌حمه‌دینه‌ژادی به‌بڵاوکردنه‌وه‌ی مه‌ترسی و گرتنه‌به‌ری دیپلۆماسییه‌کی ڵاواز و ده‌ربرینی له ڕاده‌به‌ده‌ری هێزی له‌شکری گوناهبار کردووه.
ئازاد مورادیان به‌رپرسی کۆمیته‌ی کوردی ئه‌مه‌ریکایی بۆ مافه‌کانی مرۆڤ و دیموکراسی له ئێران له لۆس ئه‌نجلیس- کالیفۆرنیا له‌مباره‌یه‌وه له وتووێژێکدا له گه‌ڵ هاوکارمان حه‌یده‌ر که‌ریم ده‌ڵێت ڕه‌خنه‌کانی ئاغای موسه‌وی دروستن که ده‌ڵێت دیپلۆماسی ئێران، کۆماری ئیسلامی نه ته‌نیا له ئاستی نێونه‌ته‌وه‌یی به‌ڵکو ته‌نانه‌ت له ئاستی هه‌رێمێکدا که ئێرانیش تێدا ده‌ژیت سیاسه‌تێکی دروستی نه‌بووه و نه‌یتوانیوه ئێران وه‌ک هاوسێیه‌کی باش بۆ خه‌ڵکی هه‌رێمه‌که بناسێنیت و بووه به جێی مه‌ترسی له نێو وڵاتانی دراوسێدا.
Posted on December 13, 2010, in Kurdish, Video/ Audio and tagged ethnic right in Iran, KACDHI, Kurdish American, VOA Kurdish, VOKRadio, ئه‌حمه‌دینه‌ژاد, ئازاد مورادیان ل, به‌لگه‌کانی ویکیلیکس, حوسێن موسه‌وی. Bookmark the permalink. Leave a comment.
Leave a comment
Comments 0