Blog Archives

کۆنگره‌ی نه‌ته‌وه‌ی کورد داوا له‌ کوردانی ئه‌مه‌ریکا ده‌کات فۆرمی سه‌رژمێری ٢٠١٠ پـڕبکه‌نه‌وه‌

کۆنگره‌ی نه‌ته‌وه‌ی کورد داوا له‌ کوردانی ئه‌مه‌ریکا ده‌کات فۆرمی سه‌رژمێری ٢٠١٠ پـڕبکه‌نه‌وه‌

Azad Moradian copyجانی دیلان

ی مانگی دوو ١٢, ٢٠١٠

کۆنگره‌ی نه‌ته‌وه‌ی کورد له‌ باکوری ئه‌مه‌ریکا KNC داوا له‌ هه‌موو کوردانی دانیشـتووی وڵاته‌ یه‌کگرتووه‌کانی ئه‌مه‌ریکا ده‌کات به‌ ئه‌وپه‌ڕی په‌رۆشیـیه‌وه‌ فۆرمی سه‌رژمێری سـاڵی 2010 ی وڵاته‌ یه‌کگرتووه‌کانی ئه‌مه‌ریکا پـڕبکه‌نه‌وه‌، ئه‌ویش به‌ مه‌به‌سـتی زانینی ژماره‌ی کورد له‌م وڵاته‌.

ئه‌و فۆرمه‌ له‌ مانگی داهاتووه‌وه‌ (واته‌ مانگی سێ) له‌ لایه‌ن حکومه‌تی فیدراڵی ئه‌مه‌ریکا وه‌ به‌ پـۆست ڕه‌وانه‌ی هه‌موو که‌سێـک له‌ ئه‌مه‌ریکا ده‌کرێت و پـڕکردنه‌وه‌ی زۆر ئاسـانه‌ و ته‌نها 10 پـرسیاری تێدایه‌ که‌ ڕه‌نگه‌ به‌ 10 خوله‌ک پـڕ بکرێته‌وه‌. هه‌ر له‌گه‌ڵ فۆرمه‌که‌ زه‌رفێـکیشی له‌گه‌ڵدایه‌ پـێویست به‌ پـول ناکات، فۆرمه‌ پـڕکراوه‌که‌ی تێده‌خرێت و ده‌نێردرێته‌وه‌.

جێی ئاماژه‌ پـێـکردنه‌ ئه‌و زانیاریـیانه‌ی له‌و فۆرمه‌دا ده‌نووسرێن جگه‌ له‌ حکومه‌تی ئه‌مه‌ریکا که‌س بۆی نیـیه‌ سه‌یریان بکات. ده‌توانن له‌ ڕێـگه‌ی ماڵپه‌ڕی http://2010.census.gov به‌ زمانه‌کانی ئینگلیزی و فارسی و عه‌ره‌بی ده‌رباره‌ی ئه‌م سه‌رژمێریـیه‌ بزانن.

کۆنگره‌ی نه‌ته‌وه‌ی کورد ده‌ڵێت گرنگترین پـرسیاری فۆرمه‌که‌ به‌ لای ئێمه‌وه‌ پـرسیاری ژماره‌ 9 یه‌ که‌ له‌ویادا کوردانی دانیشتووی ئه‌مه‌ریکا پـێویسته‌ بنووسن KURDISH-AMERICAN.

بۆ زانیاری زیاتر له‌سه‌ر ئه‌م بابه‌ته‌ هاوکارمان جانی دیلان گفتوگۆی له‌گه‌ڵ دکتۆر ئازاد مورادیان ئه‌ندامی ده‌سـته‌ی به‌ڕێوه‌به‌رایه‌تی کۆنگره‌ی نه‌ته‌وه‌ی کورد له‌ باکوری ئه‌مه‌ریکا کردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ‌، ماوه‌كه‌ی 18 خوله‌كه‌.

https://www.dengiamerika.com/a/a-58-2010-02-12-voa2-89240217/956475.html

دکتۆر ئازاد مورادیان سه‌باره‌ت به‌ یاسای نوێی سیسـتمی ته‌ندروسـتی ئه‌مه‌ریکا ده‌دوێت

دکتۆر ئازاد مورادیان سه‌باره‌ت به‌ یاسای نوێی سیسـتمی ته‌ندروسـتی ئه‌مه‌ریکا ده‌دوێت

Azad Moradian copy

جانی دیلان

ی مانگی سێ ٢٤, ٢٠١٠

شه‌وی یه‌کشه‌ممه‌ و له‌ هه‌نگاوێـکی مێژوویی‌دا ئه‌نجومه‌نی نوێنه‌رانی ئه‌مه‌ریکا به‌ 219 ده‌نگ به‌رامبه‌ر 212توانی به‌رنووسی یاسای چاکسـازی له‌ سیسـتیمی ته‌ندروسـتی وڵاته‌که‌دا په‌سه‌ند بکات. ئه‌م به‌رنووسه‌ له‌ پـێشـنیاری دیموکراته‌کان بوو که‌ بۆ زیاتر له‌ سـاڵێـک بوو له‌ ناو کۆنگرێسدا مشـتومڕی توندی له‌سه‌ر ده‌کرا و هه‌ر هه‌موو کۆماریـیه‌کان له‌ دژی بوون. به‌پـێی ئه‌م یاسا نوێـیه‌ ده‌کرێت بیمه‌ی ته‌ندروسـتی بۆ 32 ملیۆن که‌س له‌ ئه‌مه‌ریکادا دابین‌بکرێت که‌ له‌ ئێسـتادا نیـیانه‌.

ئه‌م یاسایه‌‌ پـشـتیوانیـیه‌کی ته‌واوی سه‌رۆک ئۆبامای له‌ پاڵدایه‌ و به‌ یه‌کێـک له‌ گرنگترین ئه‌و به‌ڵێـنانه‌ی داده‌نرێت که‌ به‌ خه‌ڵـکی ئه‌مه‌ریکای دابوو بۆیان بهێنێته‌ دی، هه‌ر بۆیه‌ به‌ زووترین کات و له‌ ڕۆژی سێشه‌ممه‌دا واژووی کرد و به‌ فه‌رمی بووه‌ یاسا و ده‌بێت کاری پـێـبکرێت.

له‌و باره‌یه‌وه‌ هاوکارمان جانی دیلان گفتوگۆی له‌گه‌ڵ دکتۆر ئازاد مورادیان ئه‌ندامی ده‌سـته‌ی به‌ڕێوه‌به‌رایه‌تی کۆنگره‌ی نه‌ته‌وه‌ی کورد له‌ ئه‌مه‌ریکا کردووه‌، ده‌توانن گوێبیسـتی بن له‌ ڕێـگه‌ی كلیـكـكردنی ئه‌و فایله‌ ده‌نـگیـیانه‌ی ده‌سته‌ چه‌پ، ماوه‌كه‌ی 9:33 خوله‌كه‌.

https://www.dengiamerika.com/a/a-58-2010-03-24-voa4-89537812/957345.html

%d bloggers like this: