Blog Archives

هەلەو واشنتن: د. ئازاد مۆرادیان لە بارەی کۆنگرەی کۆمارییەکان وبەراووردکردنی بەرنامە وشێوەی بەڕێوەبردنی لەگەڵ کۆنگرەی دیموکراتەکان بۆ دەنگی ئەمەریکا

هه‌ڵبژاردنه‌کانی ئه‌مه‌ریکا

حه یده ر که ریم

پارتی کۆماری کۆنگرەی نیشتمانی خۆی ڕۆژی دووشەممە لە 24ی ئەم مانگە لە شاری شارلۆتی ویلایەتی کارۆلاینای باکور دەستپـێکرد وچوار ڕۆژی خایاند. لە ڕۆژی کۆتایی کۆنگرەکە ڕەخنەی توند لە بەرنامەکانی جۆو بایدنی کاندیدی دیموکراتەکان گریرا، بەڵام بەپێی شارەزایان کۆمارییەکان لە کۆنگرەکەیاندا زیاتر سەنگییان خستەسەر باسکردنی سەرۆک دۆناڵد ترامپ ولە ڕۆژی یەکەمی کۆنگرەکەدا پشتیوانی خۆیان بۆ سەرۆک ترامپ ومایک پـێنسی جێگری دووپاتکردەوە بۆ خولێکی دیکەی سەرۆکایەتی ئەمەریکا. دوواترێ کۆنگرەکە لە واشنتن لە کۆشکی سپی بەڕێوەچوو. ئەلبەتە بەکارهێنانی کۆشکی سپی بۆ سازدانی کۆنگرەی هەرکام لە پارتییەکان ڕووداوێکی بێ پێشینەیە لە مێژووی ئەمەریکادا کە بەدڵنیای مشت ومڕی بەدووادادێت لەسەر شێوەی بەکارهێنانەکەی.

د.مورادیان: خۆپیشاندانەکان دژی نەژادپەرستی بێگومان کاریگەرییان لەسەر هەڵبژاردنی سەرۆکایەتی دەبێت

لەهەفتەی ڕابردووش دیموکراتەکان کۆنگرەی نیشتمانی خۆیان سازدا وجۆو بایدنیان کاندیدکرد وسیناتۆر کامڵا هێرسیش وەک جێگری بایدن بۆ پێشەبڕکێی هەڵبژاردنی سەرۆکایەتی ئەمەریکا لە بەڕامبەر سەرۆک ترامپ وجێگرەکەی مایک پێنس کە لە 3ی مانگی 11ی 2020 سازدەدرێت.

د. ئازاد مۆرادیان لە بارەی کۆنگرەی کۆمارییەکان وبەراووردکردنی بەرنامە وشێوەی بەڕێوەبردنی لەگەڵ کۆنگرەی دیموکراتەکان بۆ دەنگی ئەمەریکا دووا. سەبارەت بە سازدانی سێ ڕۆژی کۆنگرەی کۆمارییەکان لە کۆشکی سپی گوتی بەکارهێنانی کۆشکی سپی بۆ کۆنگرەی هەرپارتییەک بە پێچەوانەی ‌(هاچ ئاکتە) واتە بە پێچەوانەی قانوونی ئەمەریکایە. ئەوەی سەرۆک دۆناڵد ترامپ کردی کارێکی بێ پێشینەبوو ومشتومڕ سازدەکات. حەیدەر کەریم لەدەنگی ئەمەریکا لەبەرنامەی هەلەو واشنتن ئەم بابەتە لەگەڵ د. ئازاد مۆرادیان، بەرپرسی کۆمیتەی کوردەکانی نیشتەجێی ئەمەریکا بۆ دیموکراسی ومافەکانی مرۆڤ بنکە لە شاری لۆس ئە نجلیسی ویلایەتی کالیفۆرنیا دووبارە تاوتوێ دەکەین.

سه رچاوه

https://www.dengiamerika.com/a/5562360.html

https://av.voanews.com/clips/VKR/2020/08/28/79351f3b-b80f-4c76-90bd-f69ee93c2f1b.mp3?download=1

هەلەو واشنتن: د. ئازاد مۆرادیان لە بارەی کۆنگرەی نیشتمانی دیموکراتەکان بۆ دەنگی ئەمەریکا

هه‌ڵبژاردنه‌کانی ئه‌مه‌ریکا

حه یده ر که ریم

کۆنگرەی نیشتمانی دیموکراتەکان لە 17ی ئەم مانگە بەڕێگای ئینتەرنێت وتەلەفۆن وتەلەفزیۆنەوە سازدرا و چوار ڕۆژی خایەند وبەفەرمی جۆ بایدن بووە بەربژێری پارتی دیموکراتەکان وکامڵا هاریس بووە جێگری بایدن بۆ سەرۆکایەتی ئەمەریکا.

بە گوێرەی شارەزایان دیموکراتەکان بە سەرکەوتوویی کۆنگرەکەیان بەڕێوەبرد لە ڕووی ڕێکخستنی بەرنامەکانی وبابەتەکانیەوە، بەڵام سەرۆک ترامپ بەرنامەکانی بایدنی بە ڕادیکاڵترین وتوندڕەو و مەترسیدار ناوبرد کە چاوەڕواندەکرێت لە کۆنگرەی کۆمارییەکاندا زیاتر سەنگییان بخەنەسەر.

ئەم هەفتەیە کۆمارییەکان لە 24 – 27 ی مانگ کۆنگرەی نیشتمانی خۆیان سازدەدەن وتیایدا جارێکی دیکە بە فەرمی دانۆڵد ترامپ ومایک پـێنس بۆ سەرۆکایەتی ئەمەریکا پەسەندبکەنەوە.

دکتۆر ئازاد مورادیان بە دەنگی ئەمەریکای ڕاگەیاند ” پێموایە دەنگدان بەڕێگەی کارتی دەنگدان بە پۆست کێشەی مەزن لە نێوان دیموکراتەکان وکۆمارییەکاندا سازدەکات”

دکتۆر مورادیان گوتی هۆکارێکی دروستبوونی کێشە ئەوەیە کە لە خولەکانی پێشوودا ئامادەبوونی خەڵك لەسەر سندوقی دەنگدان بەشێوەیەکی بەرچاو کاریگەرییەکی زۆری هەبووە لەسەر مەسەلەی هەڵبژاردنی هەرکامێك لە سەرۆك کۆمارەکان. ئێستا کە ئەبینین خەڵك بەهەر هۆیەکەوەبێت لەسەر سندوقەکانی دەنگدان ناتوانن بەو ڕێژەیەی پێشتر بەشداری بکەن. تەنیا بەدیلێک لێرەدا ئەمینێتەوە ئەوەیە کە دەبێت بتوانن پێش ئەوەی دەنگەکان بخوێنرێنەوە، دەنگی خۆیان بخەنە ناو سندوقەکانی پۆستەوە، دەزگای خزمەتگوزاری پۆستیش دەبێت ڕەوانەیان بکەن بۆ کۆمیتە یاخود کۆمیسیۆنی کە چاودێری دەنگدانەکان دەکەن.

دکتۆر ئازاد مورادیان دەشڵێت ترامپ وتوویەتی ئەگەر دەنگدانەکان بەدروست نەزانم، ئامادەنیم مل کەچبم و وڵات بخەمە ئیختیاری دیموکراتەکان.

کارتەکانی دەنگدان کە بە پۆست دەنێردرێن دەبێت مۆری ڕۆژی بەلای کەمی 3ی مانگی یازدەیان لەسەربن. بۆ نموونە لە ویلایەتی کالیفۆرنیا تا 20ی مانگی یانزدە ماوەیان هەیە دەنگەکان قەبوڵبکرێن بەمەرجێك مۆری ڕۆژی 3ی مانگی یانزدەیان لەسەربن. لەسەر ئەم بابەتە حەیدەر کەریم لەدەنگی ئەمەریکا لە بەرنامەی هەلەو واشنتن ئەم وتووێژەی لەگەڵ دکتۆر ئازاد مورادیان، بەرپرسی کۆمیتەی کوردەکانی نیشتەجێی ئەمەریکا بۆ دیموکراسی ومافەکانی مرۆڤ بنکە لە شاری لۆس ئەنجلیسی ویلایەتی کالیفۆرنیا سازداوە.

زانیاری زیاتر لە دەقی بەرنامەکەدایە:

https://www.dengiamerika.com/a/democratic-convention/5554776.html

دکتۆر ئازاد مورادیان : ئەوە مەزنترین قەیرانیە لە ماوەی سەد ساڵی رابوردوودا لە جیهان

دکتۆر ئازاد مورادیان : ئەوە مەزنترین قەیرانیە لە ماوەی سەد ساڵی رابوردوودا لە جیهان

هه‌رێمه‌ کوردیـیه‌کان – گفتوگۆکان


Dr. Azad Moradian
Dr. Azad Moradian

ڤیروسی کورۆنا هەر کە لە چینەوە دەستیپێکرد بەرەو سەرانسەری جیهان تەشەنەی سەند و ئەمرۆ نزیکەی ٢٧ وڵات تووشی ئەو پەتایە بوونە. دیارە ڤیرۆسی کۆرۆنا هەر تەنگەژەیەکی تەندرووستی نییە بەڵکو تەنگەژەی ئابوریشی لێکەوتووەتەوە و شیانی هەیە تەنگەژەی رامیاریش بە دووادا بێت، بەڵام تا چەند شیانی هەیە ئەم پەتایە لەسەر باری رەوانی و دەروونی مرۆڤەکان درووست بکات؟

دکتۆر ئازاد مورادیان لە هەڤپەڤینێکدا لەگەڵ بەشی کوردی دەنگی ئەمەریکا دەڵێت “ ئەو قەیران و مەترسیەی کە زۆربەی وڵاتانی جیهانی گرتوەتەوە، مەزنترین قەیرانیە لە ماوەی ١٠٠ ساڵی رابوردوودا لە جیهان لە بارەی تەندرووستی، ئابوری، کۆمەڵایەتی و سیاسی وە لە هەموو رووێکەوە خەڵکی گرتوەتەوە و هەر کام لەم قەیرانانە کاریگەری لەسەر ئەوەی تر هەیە “.

John Hopkins University map coronavirus
John Hopkins University map coronavirus

دکتۆر ئازاد هەر وەها دەڵێت “ کاتێک ئێمە باس لە تاکە کەسی دەکەین ، ئەوەندە جیاوازی لە تاکە کەسیدا هەیە کە ناتوانین هەموو ئەو شێوازەی کە خەڵک هەڵس و کەوت دەکا لە بەرامبەر قەیرانێکدا یان لە بەرامبەر کارەساتێکدا بە یەک شێواز چاوی لێبکەین، تاکەکان لە بەرامبەر ناکۆکیەکان و ئەو کارەساتانە شێوازێکی دەروونی، روحی یان رەوانی جیاواز نیشان ئەدەن، بەڵام دەبێ ئاماژە بەوە بکەم هەر کەسێک بە هۆێ ئەزمۆنێک کە هەیەتی، بە هۆێ تەمەنێک کە هەیەتی وە بە هۆێ زانیاریەک کە هەیەتی بۆچوونێکی جیاوازی دەبێت لەسەر ئەو بابەتە”.

دکتۆر ئازاد دەشڵێت “ ئەو ترسە، ئەو نگرانیە وەئەو دڵە راوکیە کە تووشی هەموو بوە، سیستمی مرۆڤ، سیستمی تاکە کەسی وا دانراوە، تا کاتێکە بیر لەوە نەکاتەوە ژیانی لە مەترسیدایە تووشی دڵهورە و دڵە راوکی نابێت وە ئەم دڵهورە ودڵەڕاوکیە وەکو نیشانەیەکی سەرەتایی وایە بۆ ئەوەی ئەو تاکە کەسیە بکەوێتە هەوڵ و خۆێ بتوانێت لەو مەترسی و لەو کارەساتە خۆێ بپارێزێت

Source: https://www.dengiamerika.com/a/5333939.html

%d bloggers like this: